KWANINI UWEKEZE KWENYE SEKTA YA MISITU?






Kuna fursa iliyopo ya uwekezaji katika sekta ya misitu na msukumo wa ukuaji wake endelevu, unaowahakikishia wakulima wadogo na wakubwa kutumia fursa shindanishi katika biashara ya mbao, nguzo, mirunda na nishati katika kujenga uboreshaji wa uchumi, mazingira, na jamii. Yafuatayo ni mambo MATANO muhimu kuzingatiwa katika uwekezaji katika sekta ya misitu;
1
   Mahitaji ya Miti Kuongezeka.
Kufikia mwaka wa 2030, mahitaji ya mbao yataongezeka kwa mara mbili ya hali ya sasa na yamekuwa yakiongezeka siku hadi siku kwa sababu misitu kupungua, maendeleo ya bidhaa za misitu na idadi ya watu inazidi kuongezeka. Hata hivyo hadi sasa mahitaji ya nishati na karatasi bado kwa kiasi kikubwa yanategemea mazao ya miti.
2
.    Bei ya Miti Kuongezeka Zaidi.
Kuadimika kwa mazao ya misitu sokoni kama vile mbao, nguzo, mirunda, kuni na bidhaa nyingine za miti kunapanua fulsa ya biashara na thamani ya uwekezaji katika sekta ya misitu nchini. Mti huongezeka thamani kadri unavyokua "thamani juu ya kisiki" katika kiwango cha zaidi ya mfumuko wa bei. Kwa mujibu wa mwekezaji Jeremy Grantham, bei mbao katika karne iliyopita (~ 1905-2005) thamani ya mazao ya miti imeongezeka kwa kiwango ambacho ni takriban 3% zaidi ya mfumuko wa bei.
3
.      Miti Inaweza Kurudisha Faida Zaidi Kuliko Hasara.
Biashara ya miti inauwezekano wa kulipa zaidi ya kupata hasara(Risk/Return Trade off). Hii inamaanisha biashara hii ina ambatana na hatari kubwa ya kuanguka lakini ikiwa na uwezekano mzuri wa faida kubwa katika kuzingatia maamuzi ya uwekezaji. Hata hivyo misitu ina inaweza kubaki na thamani wakati mwingine hata kama ikiharibiwa na moto au majanga ya asili kama tetemeko la ardhi kwani miti iliyoathilika au kuanguka inaweza kutumika kuchana mbao, kuni au kutengeneza karatasi pia ardhi yake kupandwa miti mingine kwa faida ya baadaye.
4
.      Miti Ina Uwiano Chini Katika Madaraja Mengine ya Mali.
Thamani ya miti shambani inaongezeka siku hadi siku na  kuweka tofauti ya soko la uchumi mkubwa kuliko madaraja mengine ya mali/uwekezaji.  Pia soko la miti sio rahisi kuathirika kirahisi ukilinganisha na madaraja mengine ya mali, kama vile bidha za maghalani, mali fungani na mali isiyohamishika.
5
.      Uwekezaji Katika Ardhi na Thamani Yake.
Ingawa Ardhi muhimu ya kupanda miti inaweza kukodishwa, lakini wawekezaji wengi wa miti wanapenda kununua Ardhi kama fulsa nyingine ya ewekezaji. Ukuaji wa thamani ya ardhi ni moja ya faida muhimu kwa mwekezaji wa miti kwani upatikanaji wa Ardhi unaendelea kuwa mdogo na mahitaji yake yanakua kwa sababu ya ongezeko la idadi ya watu na maendeleo ya kibiashara kupanuka.  Thamani ya Ardhi inatofautiana hasa kulingana na ubora/rutuba nzuri katika ustawishaji wa Miti "matumizi ya juu na bora”.  Ndani ya Tanzania kuna fulsa nzuri ya  uwekezaji katika maeneo ya nyanda za juu kusini kwa sababu ya upatikanaji wa mvua nyingi na ardhi ya mwinuko wa juu inayostawisha mazao mengi ikiwemo miti ya aina mbalimbali.

Comments

  1. Unknown24 May 2020 at 08:43

    Idea nzur sas tunawapataje

    ReplyDelete
  2. Anonymous10 September 2024 at 14:11

    bei ya ekar moj ya miti kwa sas ni shiling ngao

    ReplyDelete
  3. Anonymous10 September 2024 at 14:11

    bei ya ekari moja ya miti kwa sasa ni shiling ngap?

    ReplyDelete

Post a Comment

Popular posts from this blog

THAMANI YA SHAMBA LA MIPAINA/PINES HAIPO KWENYE WINGI WA MITI

Image
  Shamba la Miti ya Mipaina/Pines ambayo haijapunguziwa Karibuni tena kwenye SmartForestry na leo naomba kuzungumzia kuhusu Thamani ya shamba la Mipaina/Pines katika kilimo cha kibiashara kwa kuangalia faida na hasara za kuwa na miti mingi shambani. Tunaongelea Mipaina zaidi kwa sababu ndio miti pekee inayotawala kwenye soko hasa la mbao kwa sasa, hivyo ubora na thamani yake ipo zaidi kwenye unene na urefu wa mti shambani. Tukirejea kwenye maandiko yangu yaliyopita nimezungumzia kwa undani mbegu bora na upandaji miti, idadi gani ya miti inapaswa kupandwa shambani na umbali wa mti na mti unaopendekezwa. Unaweza rejea makala zangu zilizopita kwa maelezo zaidi. “Naomba nikazie kwa kusema kuwa Thamani ya shamba la Mipaina/Pines haipo kwenye wingi wa miti shambani, kitu cha msingi kuzingatiwa ni kuhakikisha unapanda kwa umbali angalau mita 3x3(Ft9x9) na unapunguzia miti kila baada ya miaka mitano ” Punguza angalau theluthi moja (1/3) ya miti iliyopo shambai kwako p...
Read more

USIYOYAJUA HUHUSU KILIMO CHA MITI

Image
Tree Farmers from Sapanda village in Ileje sells the unpotted Pines seedlings in Isangati village in Mbeya rural, Feb2015. Kilimo cha miti kimepata umaarufu wa ghafla miaka ya hivi karibuni kutokana na sababu mbalimbali ikiwamo ya ongezeko la mahitaji ya mazao ya miti na changamoto ya mazingira. Katika Tanzania, Mkoa wa Iringa ni moja ya mikoa maarufu inayoongoza kwa misitu mikubwa ya kupandwa. Miti inatumika kwa mbao, nguzo za umeme, nguzo za kujengea nyumba na utengenezeaji wa karatasi. Ukiacha mahitaji haya tuliyoyazoea hivi sasa kumeibuka fursa nyingine mpya ambako mashirika ya kimazingira kutoka Magharibi yananunua hewa ukaa (carbon dioxide). Kwa maana hiyo unaweza kupanda shamba la miti halafu ukawa unakusanya dola kwa kuuza hewa ukaa wakati ukisubiri miti ikomae uvune mbao, nguzo au miti ghafi ya kutengenezea karatasi. Binafsi niliichangamkia biashara hii miaka minne iliyopita na 'I'm real serious with it'. Nimejiwekea lengo la kupanda ekari 20 kila mwaka...
Read more

UWEKEZAJI BORA KWA MAZAO BORA YA MITI

Image
Uwekezaji Bora. Uwekezaji wa kupanda miti unachukua muda mrefu kidogo ukilinganisha na mazao mengine ya nafaka hivyo toka muda wa kupanda inaweza kuchukua si chini ya miaka minne kwa Mikaratusi/Milingoti/Eucalyptus na miaka nane hadi kumi kwa Mipaina/Pines ndiyo uanze kuvuna. Unatakiwa kwenda nayo taratibu hivyo kila mwaka unaweza kupanda miti kiasi/heka chache ili utakapoanza uvunaji uendelee kuvuna kila mwaka na kupanda tena ulikovuna. NB: Lakini pia hili linategemea na malengo binafsi au kulingana na kipato cha uwekezaji. Kuhusu gharama za kununua na kupanda Miti zinatofautiana kufuatana na sehemu/mahali husika. Lakini kichocheo kikubwa huwa ni miundombinu na hali ya hewa nzuri kwa ustawi wa Miti. Kwa wakati huu maeneo mengi yenye rutuba na miundombinu nzuri yamepata wateja wengi na kupelekea wamiliki kupandisha bei ya Ardhi katika miaka ya hivi karibuni. Bei ya hekali moja kwa sasa inaanzia TSh 70,000/= kwa maeneo yaliyo mbali zaidi lakini inafika hadi 300,000/= kwa...
Read more